Tevhidi Hass

Hamdülillâh çok şükürler zikrimiz tevhîd-i hâss Hamdü lillâh çok şükürler fikrimiz tevhîd-i hâss Dersimüz seb’u’l-mesânî keşfimiz ilhâm-ı hak Dâimâ söyler dilimiz nutkumuz tevhîd-i hâss “Alleme’l-esmâ”dan oldu “küntü kenz”in sırrı fâş On sekiz bin ‘âlem içre vaslımız tevhîd-i hâss Câhil ü nâdân alırlar her nefes “lâ”dan kelâm Evliyâ nutkuyla her dem virdimiz tevhîd-i hâss Tıfl-ı ma’nâ zikr-i kalbîden yakar misbâhını Mu’cizât-ı enbiyâdan derdimiz tevhîd-i hâss Ol habîbin hürmetine Hakk bize kıldı devâ Cümle ‘âlem varlığından sun’umuz tevhîd-i hâss Der Sinân Ümmî bize ‘ayne’l-yakîn hakka’l-yakîn Sırr ilinde sırr ile seyrânımız tevhîd-i hâss Ümmi Sinan