Elhamdülillahi’llezi halaka’s-semâvâti’l-‘ulâ K’andan tapar hâk-i zemin feyz-i bahar-i dil-kûşa Bürhân-i Hak’dır ey gönül her nesteren nisbetli gül Sâni olan mümkün degil masnu’dan olmak cüdâ Tâ hatm-i ahvâl-i derun arz etti akl-i zü-funûn Ma’bûda oldu reh-nümun taptı tarîk-i ihtidâ Sâbit Hak’ı gül-nâr eder halkı ki yoktan var eder Bir kândan izhâr eder bin turfa lâ’l-i hoş-nümâ Cem’-i perîşan kim iter reh-berleri sünbül yeter Kim tîre topraktan biter eyler gönüller mübtelâ Hak mahzarıdır her çiçek ger tutsan ey nakkâş şek Bir nârven şeklini çek vergil ana neşv ü nemâ Hat verdi reyhan kim yakin bir Tanrı var ey ehk-i din Avzû bi-rabbi’l-âlemin estaizü mimmâ nehâ Tutmuş Hak’a nerkis yüzün açmış hakikat-bîn gözün Kılmış nazar görmüş özün sırr-i Hak ile âşnâ Bu-standa gör nilüferi tutmuş tarîk-i ber-teri Ezhârın olmuş reh-beri gör anda esrâr-i Hudâ Râh-i talebdir bî-âded ma’bûda ey ehl-i hıred Ger istesen kurb-i Samed sad-berg olur reh-ber sana Zinhâr mahv ol hikmete bakgıl kemâl-i kudrete Nilüfer-i hoş-sûrete gör kim verir âb-ü hevâ Ger olmasın medhûş tek baksan bir ehl-i hûş tek Hakkâ ki berzengûş tek tesbîh-handır her giyâ Şâh oldu minber yek-sere çıktı şikûfe minbere Salvât eder Peygam-ber’e sallû’alâ hayrü’l-verâ Sahn-i çemende erguvan her bergini etmiş zebân Tekrâr eyler her zaman medh-i Aliyyü’l-Murtazâ Zâyi’ geçirmez yâsemin ömr-i lâtif ü nâzenin İhlâs ile eyler özün hâk-i reh-i Hayrü’n-nisâ Turfa reyâhin ser-be-ser kesb etti ıtr-i müşg-ter Zâhir kılar hûnin kefen lâle kılar yüz pâre ten Tutar dönüp târ-i çemen Şâh-i Şehîd için azâ Âbid-sıfat çekmekte gam olmuş benefşe kaddi ham Gûyâ kılar ol pâk hem Zeyne’l-‘İbâd’a iktidâ Gam def’i için her taraf gül-şende çekmiş sebze saf Bâkır senâsında segaf bulmuş kılar vird-i senâ Feyz-i Hak etmiş ârzû çıkmış şeyâkık sürh-rû Kılmış bî-emr-i Hak gulû Sadık’ı kılmış pîş-vâ Kahr ile çerh-i lâciverd ger yasemîni kılsa zerd Ne gam çü görgeç ehli derd eyler ana Kâzım devâ Keşf etmeğe esrâr-i Hak açmış semen sîmin varak Vermiş ana gûyâ sabak ilm içre şâh-i dîn Rızâ Lû’bet-sıfat gör zanbakı gül-zâre vermiş revnakı Olmuş hevâ-hâh-i Taki kesb eylemiş andan safâ Meddâh tek sûsen dili olmuş medâyih nâkili Mehdinin olmuş kâ’ili Sultan Nakıyy-i bahr’-atâ Nesrinin açık defteri olmuş hakâyik mazheri Andan sıfât-i Askeri fehm etmiş erbâb-i zekâ Vakt oldu gonce açıla gül hurdesin zâhir kıla Mehdi zuhûrunu bile fâş ede sırrını kazâ Her yerde tâ nev-rûz ola gül bû-sitan-efrûz ola Nev-rûz tek firûz ola eyyâm-i Şâh-i Evliyâ Ya’ni gül-i gül-zâr-i cân Hayder imam-i mü’minân Ol kim anadır bî-güman miskin Fuzûlî bir gedâ Fuzuli
Bu eser Elhamdülillahillezi Halakas Semavatil Ula ismiyle
İlahi kategorisine eklenmiştir.
