Makamı Mustafa'dır Bu

Ah aman ya gül-i gülzar-ı gülistan-ı muhabbet Fuâdı kâinâtın belde-i mu’cîz-nüvâdır bu Semâ-paye harem-gâh-ı “Resûl-i Müctebâ”dır bu Harîm-i ‘arz-ı cennet ravza-i “Hayrü’l-Verâ”dır bu Sakın terk-i edebden kûy-i “Mahbûb-i Hudâ”dır bu Nazar-gâh-ı ilâhîdir “Makâm-ı Mustafâ”dır bu Bu dergâh-ı mu’allâya tevessül eyleyen sâil Bulur her derdine dermân olur maksûduna nâil Esâtin-i hikem cümle bu hükme oldular kâil Bu hâkin pertevinden oldu deycûr-i ‘adem zâil ‘Amâdan açdı mevcûdât dü çesmin tûtiyâdır bu Medet ya Rabbel Âlemin ‘Uyûn-ârâ-yı ‘âlem tûtiyâ na’leyn-i hâkidir Bu hadrâ kubbede mahfûz o nûrun cism-i pâkidir Bütün envâr-i ‘âlem ‘aks-i nûr-i tâb-nâkidir Felekde mâh-ı nev “Bâbu’s Selâm”ın sîne-çâkidir Onun kandîlidir hûr matla’-i nûr u ziyâdır bu Müraccahdır bu hâkin her gubârı kadr u kıymetde Cilâ-bahş-ı ‘uyûn olmakda iksîre meziyyetde Bu cây-ı dil-küşânın bir nazîri yok fazîletde “Habîb-i Kibriyâ”nın hâb-gâhıdır hakîkatde Tefevvuk-gerde-i ‘arş-ı “Cenâb-ı Kibriyâ”dır bu Ziyâsı pertev-efşândır bu hâkin mihr ile mâhe Eder âşıklann da’vet serây-i “lî me’allah”e Yüzün sür sen de ey Hazmî bu dergâh-ı felek-câhe Mürâât-ı edeb şartıyla gir Nâbî bu dergâhe Metâf-ı kudsiyândır bûse-gâh-ı enbiyâdır bu Medet ya ya Nebiyyallah